حكايتي للكتابة ملك إبراهيم
في صباح اليوم التالي
فتحت عليا عنيها بتعب وبصت حواليها لقت نفسها في غرفه اول مرة تشوفها ولقت ست كبيره قاعده جنبها وماسكه {كتاب الله} بتقرأ القرأن بصوتها الحنون
بصتلها عليا بدهشه واتكلمت بضعف: لو سمحتي
بصتلها الست وابتسمت بسعاده: حمدلله علي السلامه يا حبيبتي
عليا بدهشه: هو انا فين وحضرتك تبقى مين
ابتسمت الست: انتي هنا في بيتي وانا ابقى جدة زين
سمعت عليا اسم زين وافتكرت لما نزع منها سلسلة والدتها ورمها وحطت ايديها علي رقبتها مكان السلسلة وبدأت الدموع تنزل من عنيها بحزن
قربت منها جدة زين وحطت ايديها علي شعرها بحنان: مالك يا حبيبتي پتبكي ليه
بكت عليا اكتر وضمتها جدة زين وهي بتحاول تهديها: طب اهدي يا حبيبتي وقوليلي انتي ليه پتبكي كدا
دخل زين الغرفه وبص علي عليا وهي جوه حضڼ جدته ونطق اسمها بهدوء
رفعت عليا وشها من حضڼ جدته وبصتله پغضب: انا عايزه امشي من هنا وارجع شقة بابا
زين وهو بيحاول يسيطر علي غضبه: مش هينفع يا عليا وانتي عارفه كويس انه مش هينفع
وقفت جدته وقربت منه وهي بتغمز ليه انه يهاود مراته ويتعامل معاها براحه واتكلمت بهدوء: انا هخرج واسيبكم لوحدكم شويه
وخرجت جدة زين وهو قرب من السرير الا عليه عليا وقعد علي طرف السرير واتكلم بهدوء: في فيديو شوفته امبارح واحنا في الحفله وكان المهندس الا انقذك من الكلب بيلبسك فيه سلسلة وانتي كنتي فرحانه بيها اوي، ممكن افهم ايه حكاية السلسلة دي وليه عشانها ټنهاري بالطريقه دي
ردت عليا بحزن وهي پتبكي: السلسلة دي اغلى هديه جاتلي في حياتي
بصلها زين بصدم#مه: يعني ايه اغلى هديه جاتلك في حياتك، ومين المهندس دا عشان هديته تبقى اغلى هديه جاتلك في حياتك
