حكايتي للكتابة ملك إبراهيم
ابتسمت جدة زين وهي بتضم عليا: لا طبعا عليا متقدرش تبعد عن جوزها حبيبها..صح يا حبيبتي
بصت عليا ل زين وهي بداخل حضڼ جدته ولاحظت غضبه الواضح واتكلم الجد مع جدة زين بهدوء: خلاص يبقى تفضلي معانا هنا واهلا بخالة زين هي واولادها ومن بكره الصبح غرفهم هتكون جاهزه
خجلت جدة زين ومع بكاء عليا واصرار الجد وافقت
جدة زين: خلاص انا هكلم قسمت دلوقتي وهبلغها
ووقفت جدة زين واستأذنت منهم وطلعت علي غرفتها.. وقف زين وهو بيبص ل عليا پغضب واتكلم بهدوء: وانا كمان هطلع لاني تعبان شويه..عن اذنكم
طلع زين وشردت عليا وهي بتنظر في طيفه وبتفكر هو ليه متغير معاها وشكله غاضب منها..
خرجها الجد من شرودها واتكلم بهدوء: مالك يا حبيبتي ؟.
ردت عليا بهدوء: مش عارفه يا جدي..شكل في حاجه مضايقه زين
ونظرت للجد بتفكير وسألته: هو حضرتك عملت ايه في موضوع كريم وجانيت
الجد بابتسامه: متقلقش انا هتصرف معاهم
وتابع كلامه بمرح: المهم دلوقتي تطلعي تصالحي جوزك لانه زعل عشان انتي كنتي عايزه تسبيه وتروحي مع جدته
اتنهدت عليا بتعب وهزت راسها بهدوء واستأذنت من الجد واتجهت للاعلى..
اتنهد الجد وافتكر حديثه مع زين بعد ما حكت له عليا اللي عمله معاها كريم وجانيت
فلاش باك......
انتفض زين من مكانه پغضب وانفعال بعد ما حكى له جده علي كلام عليا
زين بانفعال وجنون: الكلاب.. ورحمة امي لأكون مخلص عليهم هما الاتنين
وقف قصاده جده واتكلم پغضب: زيين..اهدى ومتخلنيش اندم اني قولتلك
رد زين پغضب: وكمان ياجدي مكنتش عايز تقولي
وتابع كلامه پغضب اشد: مش كفايه الهانم الا انا متجوزها واللي شيفاني ضعيف ومقدرش اخدلها حقها وجت تحكيلك انت عشان تاخدلها حقها وكمان مش عيزاني اعرف
الجد بهدوء: لا يازين مراتك مش عيزاك تعرف عشان متتهورش وتعمل اللي انت عايز تعمله دلوقتي
زين پجنون: مفيش حاجه ينفع تتعمل معاهم غير اللي انا عايز اعمله دا يا جدي
بص حواليه پغضب وهو عايز يولع في كريم وجانيت وتابع كلامه پعنف: مفيش غير قټلهم هو دا حق مراتي اللي من واجبي اجبهولها
