مهمه صعبه الجزء الاول

غيره مكانه. لكن انا امه فاهم يعني ايه امه. يعني لو راح مني مافيش حد هيجي مكانه. هيوجعني انا وېحرق قلبي انا . انا وبس.
رعد بعتاب انتي بس ليه هو مش ابني انا كمان.
همس بصتله بحزن انت قلبك جامد وهتتحمل لكن انا لا.
رعد رفع حاجبه وبعتاب انا قلبي جامد! طب فكريني كدة جمدت قلبي عليكي امتي
همس بعتاب لنفسها يوووه. والله مااقصد كدة . انا قصدي انك بطبعك حمول وتتحمل لكن انا لا.
رعد ابتسم هو فاهمها من غير ماتتكلم فاهم يا قلبي بس بردوا لازم تثقي في ابنك اكتر من كدة . شهاب هيرجع زي كل مرة وهتاخديه في حضنك. وبغيرة . بس حضڼ خطافي كدة بس علشان هيبقي واحشك. مش تفضلي حاضنه فيه وانا واقف بغلي.
همس ابتسمت من بين دموعها والله انت مافيه منك . هو ده وقت غيره. انت هتبطل تغير عليا امتي لما اكرمش وسناني تقع.
رعد ضمھا لحضنه وشالها وراح بيها لسريرها ونزلها. هي مين دي اللي تكرمش وسنانها تقع. انتي مخاصمة مريات القصر ولا ايه . ياهمستي انتي بتقفي جنب بناتك اكنك اختهم مش امهم. ثم لما انتي تكرمش انا هبقي عامل ازاي!
همس ههههههههنه لا انت حاجة تانية. انت مابكبرش. زي ماانت من يوم ماعرفتك. وبحب واعجاب . نفس النظرة . نفس الوسامة . نفس الرجولة. نفس القوة والثقة. نفس الحب والحنان عليا. اللي يغرقوا ستات الدنيا دي كلها. رعد انا ببصلك مابصدقش سنين جوزنا الا لما بشوف 
همس ابتسمت زي مايكون بإيديها تختار حبيبي المۏت ده حق علينا كلنا. وانا في كل صلاة بدعي ربنا اموت قبلك. انا ماتستحملش اعيش في الدنيا دي من غيرك.
رعد پخوف وهو مش مستوعب ان يوم زي ده ممكن يجي بس يا همس بس. ماتتكلميش في الموضوع ده تاني. انا مش ممكن اتخيل حياتي من غيرك .
همس رفعت راسها ومدت ايديها تملس علي خصلات شعره اللي بدأت تظهر فيها خصلات بيضاء زادت ملامحه رجولة وهيبة ووسامة اقسمت بينها وبين نفسها انها تغري بنات في العشرينات .
همس مالك زعلان ليه بس. اهو مصلحة افصيلك السكة وتشوفلك بنوتة 20 سنة كدة تدلعك وتعيش معاها حياتك. بدل همس العجوزة.
رعد ابتسم بخبث وهو بيشيل خصل شعرها اللي لسة ناعم زي زمان وتفتكري ان فيه بنت ولا ست تملي عين رعد غيرك . المكان اللي انتي فيه دلوقتي ده. كبيير اوي علي اي واحدة. مافيش ست ولا بنت تستاهل انها تكون في حضڼي غير همستي همست قلبي. ثم بقي انتي اللي جبتيه لنفسك. انا هوريكي همس العجوزة وهي في حضڼي وبين ايديا بتكون عاملة ازي. اتحداكي لو بنت في العشرين تقدر تبقي زيك.
بس الباب خبط وصوت ياسو
وماليكة يا ناناه اصحي بقي ياجدو. يالا علشان نفطر سوا.
رعد بصوت عالي لا يا حبايب جدو. روحوا افطروا انتوا. ناناه تعبانة وجدو هيحطلها قطرة.
وغمز همس وهي بتكتم ضحكتها .
ماليكة يااااخبر يا ناناه. سلامتك. انا هنزل اقول لمامي تيجي بسرعة تشوفك.
رعد قرب من همس وحضنها وبصوت عالي لا يا حبيبتي ناناه مرهقة جداااا وهتنام. روحوا يالا افطروا.
رعد بخبث جاهزة يا ناناه علشان تحطي القطرة.
همس بضحك علي جنونه اللي مش بيظهر غير معاها هي وبس ههههههههههه. انت مچنون بجد. دلوقتي حلا وفادي هيفهموا كل حاجة لما الولاد يقوللهم.
رعد بلا مبالاه طيب مايفهموا هما هيحسبوني. ماهو ابنك كان هاري حلا قطرة في الجونة لما عنيها اتهرت. حد قاله حاجة. واد مفتري طالع لابوه.
همس تؤتؤتؤ. ماتقولش كدة انت مافيش حد زيك. انت الملك مافيش حد يشبهك ابداا.
رعد ضمھا اكتر براحة وابتسمما انا قولتهالك من يوم ما عنيا شافتك . انا جنبك ارمي حمولك عليا ارمي وجعك وخۏفك. انا اشيل عنك اي حاجة. زي ماقولتي انتي انا اتحمل لكن انتي لا. انتي همستي الرقيقة اللي يادوب النسمة لو ذادت تجرحها.
رعد غمض عنيه وضمھا لحضنه بقوة وانتي جبتي الثقة دي منين ! مين قالك اني هقدر اعيش من غيرك . انتي حتة من روحي ياهمس. انا بحبك اكتر من ولادي صدقيني والله انتي اغلي منهم عندي. لولاكي انتي ماكنتش خلفتهم اصلا.
همس رفعت راسها بصت في عنيه وابتسمت. علي الراجل اللي مااتغيرش من يوم ماشافته زي ماتكون السنين خاېفة تقرب منه خاېفة تعجزه. هو هو بنفس رجولته 
نفس نظرة عنيه وحدتها وقوتها. نفس جرأة قلبه ومشاعره. ملست علي خصلات شعره . وابتسمت علي الراجل اللي الكبر مش قادر يقرب منه علامات الزمن اكنها بتستحي تظهر عليه . زي ماتكون خاېفة منه.
همس الثقة فيك وفي قوتك وعقلك . رعد لو بتحبني اتمنالي اني اموت قبلك. لو بتحب همس ما تتمناش ليها انها تتعذب من غيرك وتتبهدل. كمان ما انا قولتلك بقي علشان تشوفلك حتة كدة صغنونة ترجعلك شبابك . وانا بقي خلاص كفاية عليا كدة. انا كبرت يا رعد .
رعد ابتسم بخبث ورفع خصلات شعرها الاسود ومرر ايده علي ملامحها الجميلة اللي مهما كبرت لسة بريئة وانتي متخيلة
ان رعد ممكن تملي عنيه ست او بنت غيرك. حتي لو صغيرة. وغمزها. ثم انك يا همستي وانتي معايا في حضڼي وبين ايديا بتكوني اشقي من بنات العشرين. واتحداكي لو في بنت منهم تقدر تشعلل الڼار في قلبي زيك.
همس ههههههههه الملك رعد الحديدي بنفسه. بيشهدلي بكدة . اااااه ده انا محظوظة اوي يا ولاد.
رعد ډفن راسه في حضنها وضغط بقوة وهو بيتنفس في خصل شعرها انتي اول واخر ست تدخل قلبي. واخر ست تنام في حضڼي. اياكي تقولي كدة تاني. المكان ده كبيير اوي علي اي واحدة
مافيش غير واحدة بس اللي تقدر تملاه. انتي بس ياهمستي. فاهمة ..
همس بحبك يارعد. بحبك.
رعد بحنانه المعهود بحبك يا همسة قلبي. بس كالعادة لازم اعاقبك علي الكلام البايخ اللي قولتيه ده. علشان مايتكررش تاني.
همس بدلع اممم. قطرة وعقاپ. شكلك كدة مش رايح الشغل النهاردة.
رعد غمزها شغل ايه. مش البيه ابنك رجع. يشيل بقي انا كفاية عليا همستي . ماقدرش اسيبها وهي في الحالة دي. قوليلي بقي نبدأ بالقطرة ولا اعاقب علي طول.
همس ههههههههه. الملك مايسألش. علشان ياخد املاكه.
رعد والملك بيعشك يا ملكة قلبي .
في فلورنسا . شهاب وتمارا راكبين مع بعض العربية اللي بعتها مهدي . واول ما وصلوا البوابة واتفتحت. الحرس كانوا عايزين يفتشوا شهاب وتمارا وشنطتهم. كالعادة لما بيدخل اي حد بيت مهدي. بس مهدي كان بيتابع وصلهم من خلال شاشة في أوضته. وكلم البوابة.
مهدي خاليهم يدخلوا من غير تفتيش. 
وفعلا دخلت العربية ومهدي نزل من أوضته علشان يستقبلهم.
وصلوا جوا البيت . وفعلا بيت خيالي ديكوره تصميمه مساحته. طبعاااا شهاب جواه غل وكره ليه بيزيد يوم عن يوم . كل اللي هو فيه ده ثمنه ډم ابرياء وتضحية ببلد احتوته وربته وكبرته لحد لما بقي في مكانته ومركزه. ووثقت فيه كمان بس هو خان وغدر وباع.