مهمه صعبه الجزء الاول

مش عايزة اصلا اروح الحفلة ولو روحت مش هلبس الفستان ده.
نغم اومال هتلبسي ايه!
تمارا رفعت كتفها عادي اي حاجة من عندي.
نغم وهو انتي عندك ايه غير شيمزات وتيشيرتات وچينز!
تمارا بتعب بصي يا حاجة هو ده اللي عندي مش عجبكم انا هقعد اكمل حلقة المصارعة واضرب باقي البيتزا. وانام .
مهاب مش قادر يمسك نفسه من الضحك ههههههههه. عسل .
نغم بغل عسل عجبك اوي اسلوبها ده . لا انا بجد ضغطي عليي.
جودي خرجت بعد مالبست فستان موڤ جميل كان سنبل ورقيق جداا.
جودي برقة في ايه بس هو البيت ده دايما منهااار كدة.
مهاب صفر بإعجاب اوعي ايه الجمال ده. قمر يا حبيبة بابي يابختك يا مهاب الكلب. هتاخد مني الحلويات دي .
جودي بتمثل الكسوف ميرسي يا بابي ماتكسفنيش بقي .
تمارا بسخرية لا يابت وش كسوف اوي . ده انتي ټموتي في النحنحة.
نغم بس اسكتي انتي. شايفة اختك لبست ايه وشكلها ايه. وانتي هتفضلي كدة زيك زي الرجالة .
تمارا عادي انا مبسوطة كدة.
مهاب حاسس ان الجو مشحون ونغم فعلا متعصبية نغم كانت بزعق لتمارا تاني ومهاب قرب منها.
نغم طيب انتي هتروحي الحفلة وهتلبسي الفستان اللي انا اختارته.
مهاب حط ايده علي خصرها وقرصها من غير ما البنات تاخد بالها.
نغم اتفاجأت. ولفت ليه وابتسمت. وبصتله بتحزير.
مهاب غمزهاعجبك كدة يا تيمو مامي كدة ضغطها عليي ولازم تاخد الدواء. تعالي يا ناني ياقلبي اديكي ادواء بنفسي.
نغم بتحاول تخبي ضحكتها لا شكرا انا مش هاخد حاجة كدة هنتأخر علي الحفلة.
مهاب والله ابداااا. لازم تاخدي الدواء. انتي اعصابك تعبانة ولازم تهدي تعالي بس. مسك ايديها وشدها وراه. 
يالا يابنات اجهزوا وشوفوا انس جهز ولا لسة علي بال مااهدي مامي.
نغم بتحاول تفلت منه ومن جنانه اللي مش هيتغير ابدااا مهما كبر بالعكس ده كبر معاه .
نغم مهاب انت بتعمل ايه هو ده وقته البنات ياخدوا بالهم.
مهاب واخدها من ايديها علي الاوضة ومش بيرد وډخلها الاوضة وقفل الباب بالمفتاح ولفلها وابتسم بمكر
مهاب سيبك انتي من كل الهري ده وقوليلي ايه الحلاوة دي. بقي انتي عندك ولاد علي وش جواز. ده انتي اللي عروسة مش جودي بنتك.
نغم بتبتسم وترجع لبعيد عنه وبتحزيرانسي اللي في دماغك . احنا متاخرين 
تمارا قامت لبست هدومها وجودي دخلتلها واڼصدمت من شكلها.
جودي يا نههههار كحلي. ايه اللي انتي مهبباه ده يخربيتك.
تمارا كانت لبست سالوبت چينز وتحتها تيشيرت ابيض وشوز رياضي ورفعت شعرها زيل حصان.
تمارا بتبص لنفسها مالي في ايه فين الهباب ده!
جودي بزهقيا بنتي دي حفلة المفروض تلبسي كلاسك مش كاچوال. هي حفلة علي البحر !
تمارابقولك ايه هو ده اللي عندي واوعي كدة لما نشوف الست الدكتورة هتقول ايه علشان نخلص ام الليلة دي بقي.
وخرجت تمارا لاوضة مهاب ونغم. وجودي جريت وراها توقفها.
جودي استني بس يخربيتك ماتخبطيش.
تمارا عقدت حاجبها ليه بقي. هما اصلا دخلوا كل ده بيعملوا ايه ماهم كانوا لابسين .
جودي بخجل وصوت واطي احمم. عادي زي الناس . وخلي عندك ډم وتعالي معايا الاوضة هما دلوقتي يخرجوا.
تمارا رفعت حاجبها وليه الفيلم ده . وخبطت عليهم 
تمارا يا Boss انت فين يا ماما. انتم نمتوا ولا ايه.
جودي بتخبط راسها بيأس من تمارا اللي المفروض كبيرة كفاية يارب صبرني . يا بنتي هو انتي مابتفهميش تعالي معايا.
ودخلوا الاوضة.
تمارا هو فيه ايه ماتبطلي غلاسة بقي خليهم يخرجوا انا عايزة اروح شوية وارجع انام . انا بصحي بدري .
جودي انتي محسساني انك طفلة عندك 7 سنين في ايه. ماتفهمي بابي ومامي مع بعض. انتي في غيبوبة .
تمارا للحظة حاست انها غبية وازاي مافكرتش في كدة . بس السبب هو انها عمرها ما اعتبرت نفسها بنت وانثي ممكن تفكر بالشكل ده.
تمارا بإحراج ااانتي تقصدي انهم ااا. كدة.
جودي لوت شفايفها بخنقة اه . اقصد كدة. وصلت حمد لله علي السلامة . مش مكسوفة من نفسك. ده الظباط اكتر ناس عندها سرعة بديهة.
تمارا عقدت حاجبها ماخلاص خلصنا. انتي هتسوقي فيها. وبعدين هو انا زيك . ليل نهار بنحنح مع سي مهاب في الفون وفي النادي حتي في البيت.
جودي بإشتياق اااااه هوبا . انا هموووت يا تيمو وابقي مراته انا بحبه اوي. وابتسمت اصله بصراحة كمان شقي بزيادة بيجنني.
تمارا بغيظ ما تتلمي يابت انتي واقفي علي بعضك ايه المياعة دي. وبعدين تعالي هنا. هو فيه حاجة بتحصل بينك وبين مهاب انطقي.
جودي بخجل اايه حاجة زي ايه.
تمارا انتي فاهمة. اياكي يا جودي تخليه يلمسك فاهمة.
جودي بإحراج لا لا . هو بس يعني حاجات عادية زي اي اتنين مخطوبين.
تمارا پغضب نعم يا حيلة امك. وهما المخطوبين ينفع يحصل بينهم حاجة. اسمعي انتي تتربي بقي شوية لحد ماتتنيلوا تتجوزا. ولو عرفت يا جودي ان حصل بينكم حاجة تاني اقسم بالله لقول لابوكي. شوفي بقي هيعمل فيكي وفي البأقف التاني ده ايه !
جودي خلاص . خلاص . اسكتي بقي ووطي صوتك مافيش حاجة تاني هتحصل. بس عايزة اقولك انك بتتحمقي كدة علشان بس لسة مافيش راجل ولا حب في حياتك. لكن لما تحبي هتلاقي نفسك بتفكري فيه وبتتمني تلمسة ويقرب منك.
تمارا في لحظة افتكرت شهاب لما كان قريب منها . افتكرت لخبطتها وتوترها معاه. افتكرت ريحته اللي اكنها لسة بتتنفسها حالا. افتكرت خۏفها عليه واشتياقها ليه طول فترة غيابه. وان خۏفها من انها تروح الحفلة ده. علشان عارفة انها هتشوفه هناك .
جودي سقفت بصوابعها ااايه روحتي فين .
تمارا فاقت وبعصبية ههروح فين يعني . بقولك ايه بطلي رغي واوعي انا هستناكم في الجنينة يالا سلام.
خرجت تمارا وهي جواها احساس غريب بيكبر بس هي بتحاول تهرب منه وتتجاهله. 
اما جودي فإبتسمت بمكر.
جودي ياتري ايه حكايتك يا تيمو. شكلك وقعتي وبتخبي . بس علي مين هعرف يعني هعرف.
......................................
في ڤيلا عدي
حلا في اوضتها بتلبس ودخلت ليها هنا. ومعاها كڤر فيه فستان.
حلا بإستغراب اهلا يا مامي تعالي. ايه الفستان ده.
هنا ابتسمت ده فستانك اللي هتلبسيه في الحفلة.
حلا بس انا جهزت فستاني خلاص.
هنا تؤتؤ. ده اجمل ولونه اجمل شوفي .
حلا شافت الفستان لونه احمر وفعلا جميل.
حلا بتردد بس ببس. ااا
هنا بنفاذ صبر بس ايه
حلا ابتلعت ريقها بقلق اااصل فادي يعني.. يعني.
هنا بغيظ وعناد مانعك تلبس الاحمر لحد غيره علشان بيجملك ويخليكي مٹيرة مش كدة.
حلا هزت راسها ايوة.
هنا بعناد وعلشان كدة هتلبسيه. لازم يعرف انك اتغيرتي.
حبيبتي اوقات لبسنا بيدينا ثقة في نفسنا. كمان الميكب وشكله بيظهر جزء من شخصية كل ست فينا. 
وصدقيني الفستان ده والميكب اللي هعملهولك. هيخلوا فادي زي المچنون مش مصدق انك انتي. بس المهم تسمعي كلامي وتباني قوية.
حلا بقلق اانا خاېفة من اللعبة دي خاېفة فادي يضيع مني.
هنا ماتقلقيش هيرجع . بس زي ماانتي بتتمني. المهم ماتستعجليش. 
................................................................. في قاعة حفلااااات شهيرة . كانت حفلة عيد زواج همس ورعد واللي كانت حفلة

كبيرة جداااا وفيها شخصيات عامة كتيير ورجال اعمال وناس كتيير.
فادي وشهاب الاتنين كل واحد