مهمه صعبه الجزء الاول

قاعد لوحدك ليه !
أنس بسرعة حاول يداري دموعه. ومسحها بسرعة وبتوتر احمممم. ابداااا يا بابا مافيش حاجة .
مهاب شاف الدموع في عنيه قلق وپخوف مالك يا حبيبي في ايه. انت كنت پتبكي!
أنس بصله بحزنهو انا ليه ماطلعتش زيك!
مهاب عقد حاجبه مش فاهم تطلع زيي ازاي !
أنس بۏجع ليه ما طلعتش شخصيته زيك. انا دلوقتي اتأكدت ليه الستات بتحب تقرب منك وماما دايما بتغير عليك. الستات بتحب الراجل الخبرة والقوي اللي بيعرف ازاي يلاغيهم . لكن اللي زي حلاتي ده يبقي ضعيف وتافه.
مهاب پغضب مسكه من دراعه بقوة ولفه ليه انت مچنون ازاي تقول علي نفسك كدة. ازاي شايف نفسك بالضعف ده. مين اللي هز ثقتك في نفسك بالشكل ده. ثم مين قالك اني كويس او اني احسن منك. بالعكس انا كل يوم كنت بشوفك طباعك وشخصيتك مختلفة عني وبتقرب من آدم وبتطبع بطبعه كنت ببقي مرتاح. حبيت انك تبقي احسن مني . أنس انت قلبك طيب وكبيير اوي انسان بجد والست اللي تشوفك قليل تدوس عليها برجليك ولا تلتفت ليها. ليه يا ابني بتقول علي نفسك كدة.
أنس بدموع انت ليه كنت بتحاول تبعدني عن مايا! عرفت عنها ايه! انت عرفت انها مش بتحبني ومع ذالك خبيت عليا.
مهاب بتأنيب لنفسه ايه اللي حصل بينك وبينها. هي عملتلك ايه!
أنس بحزنسمعتها بتقول لصاحبتها انها مش بتحبني وانها عمرها ما تحب واحد ضعيف وتافه زيي.
مهاب بعصبيةبنت اللل....... هي اصلا كانت تحلم بواحد زيك. ده ضفرك برجالة عليتها كلها . ارميها ورا ظهرك ودوس عليها . دي كلبة ولا تسوي ولا تستحق حبك وحزنك عليها .
أنس طيب ليه كنت بتبعدني عنها
مهاب غمض عنيه بتعب ايه اليوم الصعب ده. اللي مضطر فيه يقف قصاد ولاده ويبرأ نفسه ويشوفهم بحزنهم بالشكل ده حسيت انها مش بتحبك. بس لما لقيتك متمسك بيها . ورافض نصحي . بعدت وسيبتك تجرب . كنت
خاېف اقولك علي اللي اعرفه. تفتكر اني بتدخل في حياتك .
أنس هي تمارا وشهاب فعلا قدموا معاد الجواز!
مهاب اتنهد اه حبيبي. وكمان هنعمل فرح چودي ومهاب معاهم. عقبالك يا دكتور. بس مع اللي تستاهلك وتحبك . مع واحدة تستحق انها تتجوز دكتور أنس عز الدين.
أنس بسخرية دكتور ناجح بس انسان فاشل.
مهاب قرب منه وطبطب عليه بحنان وحزن اياك تخلي واحدة ايا ما كانت تخليك تشوف نفسك قليل. انت كبير

بنفسك بقدراتك بأخلاقك بعيلتك اللي بتحبك. بالناس الحلوة اللي في حياتك. مش بمجرد واحدة دخلت حياتك غلط. انساها يا أنس. انساها وانا بأكدلك انك هتلاقي الاحسن منها واللي فعلا تشوف معاها نفسك بعيونها بعيون حبيبتك . انت كبيير اوي يا أنس اوي.
أنس في اللحظة دي كان فعلا محتاج لمهاب حضنه بقوة وبكي انا موجوع اوي يا بابا اوي.
مهاب غمض عنيه بقوة بغيظ من مايا وشهاب والعيلتين اللي من يوم ما ډخله حياة ولاده وهما جابلهم القلق والتعب. ضم انس بقوة وحنان اب حقيقي.
مهابعيط وطلع اللي جواك. علشان مجرد ما تخرج من حضڼي . مش هسمحلك تنزل دمعة واحدة . هتنسي الدموع ومايا وكل حاجة ۏجعتك. هتبقي اقوي واعنف . هتبقي راجل بجد هو اللي يتحكم في الظروف مش هي اللي تتحكم فيه. انت اللي تخلي حياتك علي هواء. مش الايام اللي تجبرك علي حاجة. فاهم.
أنس ارتاح لما بكي فعلا وكمان ندم انه كان بعيد عن مهاب كل السنين دي. يمكن لو كان قريب منه كان خلاه اقوي فعلا ومايتهزش بسهولة قدام اي موقف. خرج من حضڼ مهاب ومسح دموعه.
أنس فاهم. اوعدك اني مش هبكي تاني . ومايا همحيها من حياتي والحمد لله اني محبتهاش اكتر من كدة ولا انخدعت فيها .
مهاب ابتسم براحة براڤوا عليك. هو ده ابن مهاب بصحيح. راجل يقف في وش الريح ماتهزهوش ابداااا.
أنس ابتسم ربنا يخليك ليا . بابا كنت عايز اقولك حاجة محتار اقولها لتمارا ازي!
مهاب خير مالها تمارا.
أنس اتنهد اصلي عرفت ان مايا بتحب شهاب وكانت بتحاول تقرب مني علشان ټأذي تمارا فيا وتكسرني لمجرد ان شهاب اختار تمارا ما اخترهاش هي.
مهاب پغضبدي بت معجونة بمياة شياطين. والله ماحد مانعني عنها غير ابوها اللي ماشوفتش منه غير كل خير. بس هي كدة بقي لازم احطها في دماغي . وياويلها لو فكرت تاذي تمارا هفرمها . بس اسمع اياك تمارا تعرف حاجة. هي اصلا في توتر بينها وبين شهاب. مش ناقصها كمان عقد المتخلفة مايا دي.
أنس تمام مش هقولها حاجة. بابا انا كنت عايز اسافر اغير جو كام يوم.
مهاب براحتك حبيبي. بس ممكن تأجلها لحد ما نخلص فرح اخواتك اكيد هنحتاجك الفترة اللي جاية دي . وابقي يا عم سافر معاهم شهر العسل وروق نفسك.
أنس ابتسمحاضر هأجلها ربنا يفرحهم الاتنين . انا هطلع انام تصبح علي خير.
مهاب وانت من اهله حبيبي .
طلع أنس ومهاب واقف بيتنفس بقوة ويفكر . ايه اللي بيحصله هو واولاده ده. ليه كل لما واحد فيهم يفرح لازم تحصل حاجة تنغص عليه فرحته. بس خوفه الحقيق من شهاب. مش عارف هو بيهطط لايه. وايه اللي خلاه فجأة يحكي لتمارا كل حاجة ! ليه ماحكاش من الاول! فضل يفكر ويفكر..... لحد ما تعب.
في أوضة تمارا بتحاول تنام بس مش عارفة. فونها رن ... شهاب...
تمارا بغيظ مش عايزة ترد بس هو مصمم. ردت بضيق وزهق نعم!
شهاب بغيظ ما بتتهببيش تردي ليه!
تمارا بتأفف اوفففف. عايز ايه! بتتصل ليه! هو تلاكيك. ماقولنا خلاص بقي بطلنا تمثيل.
شهاب بغيظ منها مش قولنا تلمي لسانك اللي عايز قطعه ده. لميه احسن ما اقطعهولك.
تمارا يا رب صبرني. انت عايز ايه. انجز.
شهاب بعصبية هتتنيلي تسافري فين بابا عايز يحجز.
تمارا عقدت حاجبها اسافر فين! وبابا مين!
شهاب بضيق ياربي غباوة طول عمرك. هو يا زفته انتي مش احنا المفروض نيلة عرسان قصادهم وفيه شهر زفت عسل هتغوري تروحي فين!
تمارا بزهق لا لا بقولك ايه . ابعد عني انت وابوك انتم عالم رايقة . انا لا هسافر شهر زفت ولا شهر قطران عليك وعلي دماغك. هو انت صدقت نفسك بجد. ولا ايه. ده احنا دفنينه سوا.
شهاب پغضب قوي تصدقي ان انا استاهل ضړب الڼار. اني بعبر واحدة متخلفة زيك كاتك داهية في غبائك.
تمارا ببرود شكراااا. اقفل بقي وسيبني انام.
شهاب غوري اتخمدي يارب ما تقومي . واهو ارتاح منك .
قفل الفون وهي كمان قفلت .
تمارا بعصبية آل شهر عسل آل. ده هيبقي شهر منيل علي دماغك . ده انا هخليك تكره اسمك واليوم اللي اتولدت فيه.
شهاب قفل ورمي الفون علي الارض بغيظااااه يا بنت ال....... ماشي والله لربيكي وعدلك لسانك اللي اتعوج تاني . اما كنت اخليكي ټندمي انك شوفتيني وفكرتي تقفي قصادي ماابقاش شهاب الحديدي. صبرك عليا يا بنت مهاب. هنسيكي اسم
اولا قبل الحلقة بس هعيد تاني والمرة دي هرد هنا مش