رواية غرام (كاملة جميع الفصول) بقلم ولاء رفعت
المحتويات
مستحملين أمه و أخته الحرباية عشان خاطره هو
ولجت هند من باب الشقة علي حديث والدتها شعرت بغصة تخشي رفض والدتها
و فيها إيه يا ماما لما نتجوز مع أمه لحد ما نلاقي مكان مناسب للي معاه
رمقتها والدتها پغضب عارم
بت أنتي ما تتكلميش خالص أنا سمعت كلامك في كل حاجة قبل كدة المرة دي كلامي هو اللي هيتنفذ مفيش جواز غير لما يلاقي شقة إن شاء الله أوضة فوق السطوح بس بعيد عن الحيزبونة عطيات
أنا اللي قولتله كدة مش هو أنا قولتله مفيش حل غير نتجوز في أوضتك في شقة أهلك بدل ما بقالنا سنتين خطوبة و قبلها كل واحد فينا كان هايتجنن علي التاني و احترمتك و احترمت أبويا لما طلب مني إننا نتعرف و نحب بعض عقبال ما ظروفه تسمح ويجي يتقدملي و أنا اللي قولتله لاء لو عايزني تدخل البيت من بابه
و هو بيحبني و مش هايسمح لحد حتي لو أمه نفسها إنها تأذيني و أظن مرت مواقف كتير و شوفتي بنفسك
عندك أبوكي أهو أنتي حرة أنتي و هو بس و الله يا هند لو جيتي قولتي حماتي عملت فيا و سوت مش هارد عليكي غير بالشبشب فوق دماغك الناشفة طالعة عنيدة زي أبوكي
احتضنها والدها معقبا
ده العند و كل حاجة حبيبة أبوها هنوده
حبيبي يا بابا ربنا يخليك ليا و عشان الكلام الحلو ده جيبتلك صينية البسبوسة بالمكسرات اللي بتحبها
أيوة بقي يا قلب أبوكي و هاتصلك بجمال دلوقتي هقوله موافقين وكتب الكتاب و الډخلة آخر الشهر
قفزت هند فرحا بين ذراعي والدها
حبيبي يا رمضان
زفرت والدتها من الغيظ
براحتك أنت وبنتك بكرة تجيلك معيطة بالدموع من اللي هاتشوفه في بيت حماتها أبقي خلي البسبوسة أم مكسرات تنفعكم
ما تزعليش من كلام أمك لو حصل أي حاجة بيت أبوكي مفتوح ليكي و لجوزك
تعلقت بذراعيها حول عنقه
يا حبيبي يا بابا
تفتح منيرة باب غرفة نجلها فوجدته مازال يغط في النوم بملابسه منذ الأمس جلست جواره بهدوء أخذت تربت علي ظهره
يوسف يوسف
همهم زافرا بضيق تقلب علي ظهره وبصوت يغلبه النوم
لاء هاتصحي وڠصب عنك عايز أتكلم معاك شوية
فتح عينيه بصعوبة الرؤية لديه ضبابية
و هو الكلام مش هايستني لحد ما أصحي!
لكزته بحنق في كتفه
ما أنت و لا علي بالك نايم من امبارح لحد النهاردة المغرب كل ده بسبب الزفت اللي شربته في النايت و راجعلنا سکړان
طيب المطلوب مني إيه دلوقتي
سألها و يقاوم النوم مرغما
مطلوب أنك تقوم وتصحصح عشان اللي هقوله لك مش هعيدو تاني امبارح خليت رقبتي قد السمسمة قدام أبوك عمال يقولي شوفتي تربيتك يا هانم هو ده اللي أتفقنا عليه من شهر يا يوسف
نهض و جلس مربعا ساقيه يدلك عينيه لعله يستعيد وعيه
و هو اليوم اليتيم اللي سهرت فيه بعد شهر شغل خلاص أجرمت
اه طبعا أجرمت أنت شايل اسم العيلة و أي حاجة بتعملها في وشنا أنا سيباك علي راحتك و مش راضية أضغط عليك في موضوع الجواز لأنك راجل مش بنت لكن هتسوء فيها و هتعيش حياتك بالطول والعرض مش هسمح لك
زفر متأففا صاحت والدته
ولد بدل تنفخ واتعدل أحسن ما أعدلك و الله لو
ما أتلميت يا يوسف وصلحت من حالك لأسلم مسئوليتك لأبوك و بعد ما كنت بحوشه عنك هخليه يعمل فيك اللي هو عايزه أقل حاجة هايسحب منك رصيدك و مفيش عربية و يسيبك تعتمد علي نفسك لحد ما تتعلم الأدب
جاء حديثها بنتيجة عكسية صاح بسخط
و أنا مش عيل صغير عشان ټهدديني باللي حضرتك قولتيه ده كله أنا عندي 30 سنة مش عيل مراهق
ابتسمت بسخرية
و
متابعة القراءة
