روايه حب تخطى كل الظروف

مش متوتر ولا حاجه تعالي يلاه نشوف هيعملوا إيه.
تمام يلاه
ابتسم وأخدها ووقفوا جنب إلياس وحبيبة وثواني والنور اطفئ لدقايق وآدم شغل الشاشة والكل شاف شاهي وهي بتحاول تتقرب من إلياس واللي هي عملته بعد ما سابها ودخل
النور رجع اشتغل والكل اتفاجأ بأختفاء شاهيناز من الحفلة. آدم اتعصب وأردف بغيظ
هربت بنت ال.
قاسم اتنهد وأردف بهدوء
خلاص يا آدم المهم إنه حقيقتها ظهرت قدامنا وإلياس ظهرت برائته.
منة بصت لقاسم بسخرية وهو لاحظ ده وحس إنها سمعت كلامه مع رامي.
سيف ابتسم بمرح ووقف جنب آدم
خلاص يا دومي خلينا نكمل الحفلة بتاعت الست منة
حبيبة ابتسمت واردفت بحب
سيف عنده حق يا آدم يلاه ننسي إللي حصل كلنا عارفين إنه شاهي بتاعت مشاكل بس الحمدلله إنها اتكشفت حقيقتها قدام الناس خلونا نكمل الحفلة وكأنه محصلش حاجه.
آدم ابتسم وشغل الأغاني ورجعوا يرقصوا ويحتفلوا بخطوبة منة وقاسم وبعد وقت الحفلة انتهت وكل واحد رجع على بيته.
منة أنت كويسه
اه يا قاسم مالي يعني.
بصي أنا عارف إنه إللي حصل فى الحفلة م
قاطعته بتعب
اللي حصل حصل يا قاسم معلش أنا تعبانه وعاوزه ارتاح دلوقتي.
ماشي روحي ارتاحي وبكره نتكلم.
تمام بعد إذنك.
طلعت أوضتها وهو اتنهد وأخد اهله ورجع البيت ومن جواه احساس كبير أنها عرفت أنه ليه علاقة باللي حصل فى الحفلة بس هو مكنش فى نيته كل ده يحصل او حفلتهم تخرب رجع البيت وهو مضايق من نفسه حاول يكلمها كتيررر بس فونها كان مغلق اتنهد ورمه نفسه على السرير وقرر إنه ينسى موضوع حبيبة وإلياس خااالص من دماغه ويشوف حياته وكفاية كده.
قام أخد شاور وغير هدومه ونام وهو مقرر إنه يكلم منة تاني يوم.
إلياس وحبيبة رجعوا شقتهم بعد ما اطمنوا على سيف وزينة وقضوا معاهم شوية وقت.
حبيبة بصت لإلياس واردفت بتعب
إلياس لو سمحت افتح نور الشقة.
ابتسم وقفل الباب وفتح النور وحبيبة اتفاجئت بالبيت كله متزين بشكل جميل اووي
قامت وفضلت تلف حولين نفسها وتبص للشقة پصدمة ممزوجة بفرحة ورجعت بصتله
إيه كل ده أنت عملت كل ده امتى
مردش عليها وقرب حضنها بقوة واردف بحب
شكرا حقيقي على ثقتك الكبيرة ديه أنا بجد كنت مړعوپ إنك تصدقي كلامها خۏفت لأنه وقتها كان هيحصل ما بينا كسر عمره هيتصلح أو إننا نرجع فى يوم زى الأول لأنه بالنسبالي ثقتنا فى بعض هي أساس علاقتنا وكنت خاېف الثقة ديه تتهز.
بعدته عن حضنها وضمت وشه بين كفوفها وطبعت قبلة على جبينه واترسمت على وشها إبتسامة هاديه
أنت مچنون معقولة كنت فاكر إني ممكن اصدق وحده زي ديه واكدبك! وبعدين يا إلياس هو أنا اعرفك من يوم ليلة يابني أنا وأنت نعرف بعض من سنين طويله من وقت ما بدأت شغل فى شركة بابا وكنت أنت المسئول عن تدريبي وعارفه كويس أخلاقك وصدقني ثقتي فيك مش سهل إنه حد يكسرها بسهولة لأنه أنت مش بس جوزي أنت كل حاجه ليا وانا بثق فيك اكتر من نفسي صدقني.
بصت حوليها وغمزتله
بس سيبك من كل ده واللي حصل النهاردة وقولي إيه مناسبة اللي أنت عامله فى الشقة ده
ابتسم وباس جبينها
مفيش يا ستي حبيت اعملك مفاجاة صغيره كده بالمناسبة المكالمة اللي سبتك وطلعت اتكلمتها بره كانت تخص المفاجأة ديه.
ابتسمت واردفت بحب 
حلو يا جميل هروح اغير هدومي وارجعلك نسهر مع بعض.
ماشي يا. بيبوا ادخلي غيري هدومك وهاتي بطانية وتعالي ورايا على البلكونة.
ضحكت وأردفت بمشاكسة
ده شكلها هتبقا سهره جامده معاك ثواني وهرجعلك.
جريت على اوضتها وغيرت هدومها وهو دخل البلكونة اللي كانت متصممة بشكل جميل اوووي وبدأ يحط الحاجات اللي جابها على التربيزة وقعد يلعب فى الفون بتاعه.
حبيبة طلعت وحطت البطانية عليه واترمت فى حضنه وهو ضحك وضمھا لحضنه وغطاها كويس.
إلياس هو أنا ليه حاسه إنه منة كانت مضايقه النهاردة.
اكيد اللي حصل فى الحفلة ضايقها.
اتمنى يكون ده السبب الحقيقي ومتكونش متخانقة مع قاسم لأني عارفاه عصبي وهي أى حاجه بتزعلها.
متقلقيش انشالله خير.
طيب هات طبق الفشار إللي قدامك ده.
ضحك ومسك طبق الفشار ادهولها
بيبوا فاكره اول مقابلة ما بينا
اه حضرتك كنت مغرور اووي والكل بېخاف منك.
لا ولله هنكدب
طلعت من حضنه وبصتله بضحك
لا أنا بتكلم بجد وقتها حضرتك كنت علطول مضايق ومش طايق حد ومغرور اووي لدرجة إنه كل الموظفات پتخاف تتكلم معاك.
غمزلها
بس متنكريش أنى كنت قمر وكانوا معجبين بيا.
رفعت عنيها وبصتله بغيظ
اه وعلشان كده مكنتش بحبهم وطول الوقت مشاكل معاهم بسببك.
ضحك وأخد منها الفشار
وأنا مالي يا لمبي
ضحكوا الاتنين وفضلوا يحكوا ويسترجعوا ذكرياتهم لحد ما نامت فى حضنة.
ابتسم وقام شالها وډخلها الأوضة وأخدها فى حضنة ونام
القاهرة 9 صباحا
إلياس راح الشغل وحبيبة اخدت إذن من حماتها ونزلت تشتري شوية حاجات لوحدها بس اټصدمت اول ما شافت قاسم واقف قدام العمارة
بصتله وأردفت بقلق
قاسم أنت إيه جابك هنا خالتي كويسه
ابتسم
هي كويسه متقلقيش بس أنا جيت علشان اتكلم معاك فى موضوع مهم
أيه الموضوع ده
قاسم اتنهد وقرر يقولها على كل حاجه عملها من وقت فرحها هي وإلياس لحد اللي حصل فى حفلة إمبارح.
أخد نفس عميق وو..
لقاهرة 9 صباحا 
إلياس راح الشغل وحبيبة أخدت إذن من حماتها ونزلت تشتري شوية حاجات لوحدها بس اټصدمت اول ما شافت قاسم واقف قدام العمارة
بصتله وأردفت بقلق
قاسم أنت إيه جابك هنا خالتي كويسه
ابتسم
هي كويسه متقلقيش بس أنا جيت علشان اتكلم معاك فى موضوع مهم
أيه الموضوع ده
قاسم اتنهد وقرر يقولها على كل حاجه عملها من وقت فرحها هي وإلياس لحد اللي حصل فى حفلة إمبارح.
أخد نفس عميق وأردف بهدوء
طيب معلش ممكن بس تيجي معايا نقعد فى كافيه قريب نتكلم لأنه وقفتنا ديه متنفعش.
طيب ثواني بس
حبيبة طلعت فونها ورنت على إلياس علشان تستاذن منه بس مردش رنت أكتر من مره بس برضوا مردش اتنهدت وبصت لقاسم بحيره
قاسم هو الموضوع مهم اووي اتنهد
بصراحه اه هو يخصك أنت وإلياس ولازم اتكلم معاك فيه.
طيب أنا مينفعش اطلع معاك من غير إذن إلياس بس بما إنه الموضوع مهم اووي ثواني هطلع أخد إذن حماتي وارجعلك.
طيب تعالي وأنا هتكلم معاها.
اوك اتفضل.
قاسم طلع معاها شقة زينة وطلب من زينة تسمح لحبيبة تروح معاه لأنه الموضوع مهم ومش هينفع يتأجل وزينة وافقت بس طلبت منها متتاخرش وتحاول تكلم إلياس تاني.
وبعد وقت قاسم وحبيبة وصلوا
الكافيه.
ها يا سيدي قولي إيه الموضوع ده
بصي بصراحه أنا عملت غلط كبير معرفش اذا كنت هتقدري تسامحيني عليه او لا بس بما أني قررت أبدا حياة جديد مع منة أنا قررت اصارحك وأقولك كل حاجه.
يابني قلقتني ما تتكلم بقاا
قاسم أخد نفس عميق يهدي بيه أعصابه وبدأ يحكيلها كل حاجه حصلت من وقت خطته يوم الفرح لحد إتفاقه مع