رواية فتاة متمرة كاملة بقلم هويدا زغلول
وكانت هي وباباها بيتغدوا
الخدامه:استاذه مياده في وحده برا بتقول انها اخت الانسه شروق عايزه حضرتك
مياده:مش شيفاني باكل قولي ليها مش فاضيه
الاب:اي قله الذوق دي دخليها طبعا
الخدامه:حاضر ودخلت دعاء وأحمد
دعاء:مساء الخير
عصام:مساء الخير يا حبيبتي اتفضلي
مياده:نعم خير فيه اي
دعاء:انا اسفه علي الازعاج بس هي شروق مجتش ليكي انهارده اصل بنتصل بيها فونها مقفول ومش عندها محاضرات انهارده
مياده:لا معرفش حاجه عنها خير في حاجه تاني
عصام:مياده اي طريقه الكلام دي اقعدي يابنتي ممكن تكون راحت هنا ولا هنا هترجع باذن الله
دعاء:شكرا لحضرتك وجايه خارجه اه اتمني بس بابا ميعرفش حاجه عالشان مس يبقي قلقان عليها
عصام:حاضر يابنتي طيب اقعدي استريحي شويه
دعاء:لا شكرا وقدام الفيلا وصلت شروق وقبل ما تدخل مسكها مازن من أيدها
مازن:رايحه فين يا مجنونه
شروق:هو فيه اي انت بترقبني
مازن:انتي مجنونه صح رايحه فين
شروق:وربنا لاربيها علي كل حاجه عملتها معايا
مازن:بالعقل مش كده انتي متعرفيش البت دي صاحبها مين ويقدروا يعملوا اي
وفي الفيلا جوا جت رساله لعصام عالموبيل من رقم مجهول
بنتك المحترمه رافعه راسك اوي متجوزه عرفي عصام اول ما شاف الرساله اغم عليه
احمد ودعاء كانو لسه علي باب الفيلا سمعوا مياده بتصرخ دخلوا جري لقوا عصام مرمي عالارض ومياده جنبه
مياده:بابا يا بابا فوق والنبي مالك
احمد:مالو فيه اي
مياده:شيلوا معايا لوسمحت علي العربيه نودي اقرب مستشفي بسرعه وفعلا شالو وحطوا في العربيه وأحمد ساق وجنبه دعاء وورا مياده وأبوها وهي خارجه من الفيلا شافت شروق ومازن
دعاء:وقف العربيه بسرعه شروق اهي بصت مياده لقت مازن واقف مع مياده بس مكنش في بالها دلوقتي غير ابوها
ونزلت دعاء من العربيه وأحمد مشي عالشان يروح المستشفي بسرعه
دعاء:انتي كنتي فين يا هانم
شروق:انتي كنتي بتعملي اي جوا
دعاء:امشي قدامي اتفضلي عالبيت
مازن:براحه يا انسه هي هتروح معاكي
دعاء ومين ده انشالله كمان انتي كنتي بايته فين
مازن:والله ما تخافي علي اختك هي تمام انا هفهمك كل حاجه بعدين بس شروق لازم تروح البيت دلوقتي
دعاء:اتفضلي قدامي وخدت شروق ومشيت وطول الطريق تكلمها
شروق:دعاء انا خايفه اروح من بابا هو عمل اي لما عرف اني سبت البيت
ودعاء ساكته مش بترد عليها
شروق:انا عارفه اني استاهل الحرق بس بابا عمل اي معلش لما عرف
دعاء: بابا مش عرف بس عالشانك خوفت ليجري ليه حاجه
