ذئب 🐺 بعد الخمسين
المحتويات
الرسائل وتقرأها بصوت مسموع
اعتدال .. رسالتين !! ردي عليا من فضلك .. والرساله التانية .. لو اڼتحرت ذنبي في رقبتك .. وبعدين بقي مع المچنون دا !!
فجأة يرن حمادة واعتدال تجيب
اعتدال .. وبعدين يابني معاك !! الليل كله شغال رن عليا وباعتلي مسجات كمان .. هو انت نمت امتي مع الرن دا كله !!
حمادة .. انا منمتش خالص .. طول الليل وانا سهران عمال ارن عليكي
اعتدال .. وبترن عليا ليه تاني !!
حمادة .. عاوز اتكلم معاكي .. نفسي اسمع صوتك
اعتدال .. علي فكره دي تصرفات مش طبيعيه ابدا !! انت لا مراعي زمان ولا مكان ولا أي حاجة خالص
حمادة .. اعمل ايه عقلي مبقاش فيا وقلبي مش معايا
اعتدال .. وانا مالي بدا كله !!
حمادة .. مالك ازاي !! مش انتي السبب !!
حمادة .. اني اتعلق بيكي
اعتدال .. وانا كنت قلتلك اتعلق بيا !! ولا كانت تصرفاتي معاك شاذة فجذبتك ناحيتي !! طول عمري بتعامل معاك بطريقة طبيعية جدا وفي حدود
حمادة .. اهوه اتعلقت بيكي وخلاص وبعدين انا قلتلك امبارح ان الحب دا ضيف رزل بيدخل القلب من غير استئذان ويلخبط كيانه وحالة .. وانا حالي بقي يصعب علي الكافر !!
وفجأة تدخل نهي
نهي .. صباح الخير يا ماما .. بتكلمي مين علي الصبح كدا !!
اعتدال ترتبك .. صباح النور يا حبيبتي .. دي .. دي طنطك رجاء ام حمادة قلت اتصل اطمن عليها
نهي .. بجد .. طب اديني اكلمها واسلم عليها
اعتدال .. لا ما هي قفلت معايا خلاص .. وبعدين بقت زي الفل خلاص
اعتدال .. طب اقوم احضرلك الفطار
نهي .. لا هفطر مع عصام .. يلا باي
اعتدال .. باي يا حبيبتي
وبعد انصراف نهي اعتدال تحادث نفسها قائلة
اعتدال .. وبعدين في الواد المچنون دا !! هيوديني في داهية والله !!
وبعد مرور يومين تتصل نوال والدة حمادة ب اعتدال لتطمئن عليها
اعتدال .. انا كويسة الحمد لله .. انتي عاملة ايه
نوال .. الحمد لله علي كل حال .. بنتك وخطيبها عاملين ايه
اعتدال .. كويسين الحمد لله
نوال ..ربنا يتمملهم علي خير ان شاء الله .. ايه مالك .. بقالك يومين لا بتتصلي ولا حتي بتعدي عليا !!
اعتدال .. مشغولة صدقيني
اعتدال .. ماله حمادة !!
نوال .. عمل حاډثة بالموتوسيكل امبارح ورجليه اتكسرت
اعتدال .. يا ساتر يارب .. طب وهو كويس دلوقتي !!
نوال .. اهوه الدكتور قال هيقعد شهرين في الجبس
اعتدال .. لا الف سلامة عليه مش يخلي باله طيب !
نوال .. لا الواد اليومين دول حاله مشقلب !! علطول سرحان وربي دقنه زي ما يكون بيحب !!
اعتدال ترتبك .. احم .. شاب بقي وانت عرفة شباب اليومين دول طايشين ع الاخر !!
نوال .. المشكلة ان امتحانات الكلية بتاعته هتبدأ بكرا ودي اخر سنه ليه في كلية التجارة
اعتدال .. متهيئلي بيكتب طلب في الكلية وبيقوموا لجنة بتروح تمتحنه في البيت
نوال .. دا مش لما يكون مذاكر ومستعد !! السنه دي راحت عليه خلاص .. لا الواد اتلخبط جامد ولما اسأله في ايه مبيردش عليا ولو الحيت عليه في السؤال بيتعصب عليا خالص!!
اعتدال .. ربنا يهديه .. ان شاء الله انهارده اعدي عليكم ازوره انا ونهي
نوال .. تشرفي ياختي .. يلا اسيبك انا واروح اعمله لقمة ياكلها
اعتدال .. روحي يا نوال .. مع السلامة
اعتدال تغلق الخط ورد فعل علي وجهها
وتأتي نهي من الكلية
اعتدال .. احضرلك الغدا يا حبيبتي
نهي .. لا يا ماما اتغديت مع عصام
اعتدال .. يعني فطرتي مع عصام واتغديتي كمان مع عصام !! وماما ان شالله ما كلت
نهي .. برضوا دا كلام يا ست
الكل !! اما انتي الخير والبركة
اعتدال .. صدقيني مفطرتش من الصبح ومستنياكي نتغدي سوا
نهي ..
وماله ولا تزعلي يا ست الكل
متابعة القراءة
