رواية أجمل قصة حب " ملك ابراهيم
مازن/ المشكلة ان مش هعرف افهمك دلوقتي بس كل الا اقدر أقوله اننا داخلين علي ايام مايعلم بيها غير ربنا
في بيت والد هنا تجلس سمر وهي تتحدث بالهاتف بصوت منخفض
سمر/ الو
....../ ايه فكرتي في العرض الا عرضته عليكي
سمر/ اه فكرت وموافقه ومستعده اعمل اي حاجه المهم ندمر حياة هنا
....../ تمام أوي يبقى أنتظري مني اتصال في اقرب وقت وهقولك هنعمل إيه بالظبط
بتعملي ايه ياسمر / قالها والد هنا
وقفت سمر وهي تحاول اخفاء هاتفها
سمر پټۏټړ/ ممفيش انا كنت قاعده اصل لقيتك نايم ماحبتش اقلقك
والد هنا/ طب قومي حضري الغدا انا جعان
سمر/ حاضر
في شقة مصطفي صديق أحمد أخو هنا
مصطفي/ انا بجد مش عارف انت مستني إيه ماتعمل المشروع الا انت قولت عليه وبعدين لما أختك تيجي من السفر أكيد هتشوفها وتطمن عليها دي مسافره مع جوزها يعني أكيد كويسه
أحمد/ مش عارف حاسس ان في حاجه مش فاهمها جواز هنا بالسرعه دي وسافرها وعدم ردها علي تليفونها دا قلقني دا انا حتي لما روحت سألت علي جوزها في شركته قالولي انه ممكن مايجيش مصر الفتره دي
مصطفي/ طب ومسألتش علي أختك او عرفت اي حد مسؤل هناك ان انت تبقا أخو مرات صاحب الشركة أكيد كنت هتلاقي الف من يقولك أخبارهم
مصطفي/ ليه هو غني أوي كدا
أحمد/ ربنا يزيده انا كل الا عايزه اطمن علي أختي وبس
مصطفي/ خلاص أسبوع كدا وروح أسأل تاني
أحمد/ أن شاء الله
بعد ان قضى مازن وقت طويل في التفكير كيف يبلغ عمر بأمر زواج زوجته من رجل أخر وظل يحدث نفسه من بعد خروج دينا من مكتبه
مازن/طب هقولهاله ازاي يعني اقوله مثلا مبروك مراتك جايلها عريس ماشاءالله دكتووور في الجامعه ولا اقوله في واحد عايز يتجوز مراتك ممكن تحددله ميعاد يجي يطلبها منك ااه ما هو دلوقتي ولي أمرها مش هنا تبقا مراته هو ايه الا انا بقوله ده دا مش بعيد لو قولت لعمر كلمه واحده من دول هيخلص عليا اعمل ايه بس ياربي لازم اتصرف قبل ماتتجوز فعلا علي عمر اه انا هكلمه واقوله من غير مقدمات وهو يتصرف بقا
