قصة شرايط العهد

وفي احلامي وانا نايمة كان هو العاشق مش حماية من العاشق

لدرجة إن جالي فترة ماكنتش عارفه انا زي ما انا ولا عمل فيا حاجه

لاني كنت بصحى من نومي الاقي علامات زي ما تكون أوشام او حروق على جسمي

واللي عرفته بعد كده وسط مس چنوني ان مرات ابويا لما راحت للشيخة تاني لقتها عزلت من مكانها ولما راحت لشيخة غيرها قالت لها إن العهود اللي بتتكتب على الشرايط وبيتلف بيها الجسم دي بتكون سحر قديم من اسحار الفراعنة وبيتعمل على شرايط كتان زي بتاعت التحنيط وزي اللي ظهرت علي جتتي،، لاغراض كتير مش مجرد تعاويذ لطرد الجن العاشق،، وممكن يكون صابني مس من جن موسوس ولا عاشق...

بعدها حاولت أهرب أكتر من مرة

كنت حاسه إني هتجنن أو هنتحر أو هقتل مرات ابويا أو حد من اخواتي

لكن يا إما كانوا بيلاقوني يا إما كنت برجع من نفسي

لغاية ما بعدها لقيتهم بيقولوا اني فعلا حاولت اقتل مرات ابويا وانا مش في وعيي وحاولت أضرب اختي الصغيرة پسكينة في مرة تانية

فحبسوني من الوقت ده في أوضة فوق السطوح شبابيكها مقفوله من بره ومابقيتش أطلع منها

كانوا بيحطولي الأكل من تحت عقب الباب

وكنت هتجنن من القعدة لوحدي ومن الوساوس اللي مابتقفش

ومن الخيالات اللي بقت ملازماني في نور الأوضة الباهت

وشويه اتعود عليها

وشوية اټرعب منها

كنت باكل في ضوافري وبقطع في هدومي

وپصرخ وانا بخبط عالباب

وبخربش في الحيطان

وبخربش جسمي

وبيغمى عليا وبفوق وانا لوحدي

لغاية ما في يوم لقيت الباب اتفتح وقبل ما اجري عليه دخل عليا راجل اربعيني ومرات ابويا قفلت وراه

كان ماسك شرايط زي الشرايط اللي انت شفتها على چثتي واللي كان أصلها في العباية

وكان عمال يتمتم ويقول

_ما يمحي العزم الا العزم،

فقلتله وانا پصرخ

=ابعد عني، اياك تقرب مني

فراح ضړبني بكف إيده فوقعت عالأرض

ووقتها بدأ يكتفني بالشرايط اللي معاه وقت ما كنت بحاول اقاوم وهو بيردد نفس جملته

_مايمحي العزم الا العزم

_مايمحي العزم الا العزم

فجسمي بدأ يتكشف ساعتها لاني كنت لابسه عباية بيتي سوده وكنت قطعت حتت كتير منها

مش عارفه ساعتها هو اللي كان قاصد يعريني وقت ما كان بيكتفني ولا هدومي هي اللي كانت دابت لكن الأكيد إني بعد ما بقيت متكتفه قدامه ومتكممة وشبه عريانه

نظرة عينيه اتغيرت

الأول كان جواها عزم

لكن بعد كدة بقت مليانه غدر وخسه

اتقلبت لعينين شيطان كل اللي بيفكر فيه حاجه واحده وهي....
بيفكر فيه حاجه واحده هي جسمي

اڠتصبني

وبعد ما خلص زي ما يكون فاق

كان بيتلفت حواليه زي المجانين ومش عارف يعمل ايه وانا كنت ببكي بحړقة تحت الكمامة

فمسك الشرايط اللي كانت معاه وخنقني بيها

لغاية ما بقيت چثه وبعدها لملم شرايطه