ظبوطة قلبي

سيكا و ھموت من الړعب والله .
آسف يا آنسة على التأخ.. ايدا ! .. صحبة المنديل .. صدفة سعيدة .
بصيت لصاحب الصوت .. لقيته هو .. الشخص الجدع الي قابلته و عداني الطريق ..ايدا .. هما الاسبوعين بيحلو الواحد كده .. اكاد من فرط جمال الدقن و الشعر و العيون اذوب والله .. يادي النيلة السودة انا في ايه ولا في ايه .
_ازيك يا استاذ ..
مالك .. اسمي مالك .. ما اتعرفتش باسم حضرتك .
ما طبيعي يكون اسمه مالك مهو دخل المكتب ده و قعد عليه و المكتب عليه اسم مالك .. انا مني لله على اسئلتي دي والله .
_اسمي وصال .
تشرفت يا آنسة وصال .. ها جاية ليه 
_هو مش انا الي جاية .. هو انا كنت رايحة اتعلم السواقة فا الراجل الي هيعلمني جابني هنا عشان ادفع الغرامة و اكتب تعهد .
اتكلم بجدية فجأة تمام تمام .
هو بيتحول ليه .. مش كان بيتكلم بهدوء من شوية! .. دلوقتي بيتكلم كده ليه .. لا ما اسمحلكش .. انا ممكن اعيط والله .
دفعت الغرامة و حسبي الله و نعم الوكيل .. المهم اتعلمت السواقة و اشهد ان لا اله الا الله .. انا كان مالي و مال السواقة .
النهاردة في حفلة مدرسة عبد الرحمن عملاها و عبد الرحمن حبيب اخته ما جابليش سيرة .. فا ماما قالتلي اروح .. و انا رايحة مع مرام اعملهاله مفاجأة عشان يبقى ما يقوليش على حاجة تاني ابن سهير .
يلا يا وصال بعد العربية دي هنعدي .
بخوف_ب.. بقولك ايه .. ما يلا نرجع بلا حفلة بلا بتاع انا اصلا ما اتعزمتش .
يا بنتي بطلي جبن بقى .. يلا ها .. ١ ..٢ ..٣
سابتني و عدت الطريق لوحدها .. الصحاب في اجازة يا جماااعةةة .. انا ما عنديش صحاابب .. الصحوبية في ذمة الله .. حسبي الله ونعم الوكيل فيكي يا مرام يا بنت ام مرام .
امسكي طرف المنديل .
سمعت صوت جمبي قلبي عارفه كويس .. ايوه يا جماعة ما تستغربوش .. الكائن الجدع المتحول د دخل القلب من غير استئذان .. المهم قلبي ابتسم قبل وشي .. و مسكت طرف المنديل و عداني بكل سلاسة .. شايفين المعاملة .. مش العرة الي سابتني زي كيس الجوافة و عدت لوحدها .
مين الشاب الي عداكي ده يا صوصو .. ها ها ها 
_حلي عن سمايا انا مش طايقاكي بعد الي عملتيه ده .
يا بنتي ما انا قايلالك بعد ٣ عدي اللاااهه .. غلطت في ايه انا بقى 
_ولو ولو كنتي تخدي بإيدي مش تسبيني زي الجوافة الي واقعة من كيسها كده .
حقك عليا يا ستي .. خلاص هعزمك على كريب .
_مشكل جبن و لارج .
حااضرر .. قولي مين ده بقى .
_ده واحد كده .
تصدقي كنت فكراه اتنين .
_طب بس دلوقتي عشان الحفلة هتبدأ .. هبقى احكيلك بعدين .
اما نشوف بعدين ده هيجي امتى .
اومال ماما ما جاتش ليه 
_لما تروح ابقى اسألها .. وبعدين ينفع ابقى اخر من يعلم بالحفلة دي 
على اساس انك كنتي هتيجي اصلا لو قلتلك 
_انت غبي يلا .. اومال انت ماشي مع مين دلوقتي .. شفافة انا 
ما تدخلنيش في تفاصيل .
_يااا رااجلل طب على فكرة بقى مش هتاخد الشوكلاته الي جبتهالك .
قال بعند مش عوزها خليهالك 
_كدة .. طب هفتحها قدامك و اكلها .. مش انت مش عايزهاا 
بص للشوكولاتة بحزن قال يعني بيودعها وبعدين بص حواليه و راح جري مني .. انا طبعا جريت وراه .. مش خوفا عليه والله .. ده عشان هتعلق في البيت لو رجعت من غيره اصلا .
هما دول يا عمو الظابط 
ينهار مش باينله ملامح .. جايبلي ظابط .. لا ثواني .. ده مالك .. ده أنيل .. يا اخي منك لله والله .
بصلي و هو ھيموت و يضحك انا عارفة وبعدين نزل لمستوى عبد الرحمن وبصله قول لي بقى

عملوا ايه عشان ما فهمتش .
قاله بحزن سرقوا مني الشوكولاتة بتاعتي الي جايبها من مصروفي الي قعدت احوشه بقالي اسبوع و مش راضية تديهالي 
انا