روايه ايغفر العشق لكاتبتها ناهد خالد

حاجبها الأيسر بتهكم وهي تقول 

_ يمكن عشان مش عارفه أخد راحتي وأنت من وقت ما قعدنا عينك عليا حاسه أني متراقبه ونظراتك ليا موتراني مبعرفش أكل وأنا حاسه أن حد باصصلي..!

حمحم بحرج وهو يبتسم باقتضاب قائلا 

_ خلاص كلي وأنا هبص بعيد

صمت قليلا ثم أردف بابتسامه محبه 

_ رغم أني يحقلي افضل باصصلك للصبح مش وأنت بتاكلي بس.. ملامحك وحشاني.. والمحب ميولامش علي اشتياقه!.

تخضبت وجنتيها بحمرة الخجل وهي تستمع لحديثه وتري نظراته التي تكاد تخترقها..

رأي خجلها فأراد أن لا يحرجها أكثر فهتف 

_ طيب يلا كملي أكلك عشان أوريك هديتك..

اتسعت عيناها بذهول وهي تقول 

_ هو لسه في هديه!

رفع حاجبه بجديه قائلا 

_ طبعا لسه فيه وفيه حاجه تانيه بس بكره مش النهارده..

أنتهت سريعا من طعامها كي تري هديته.. وضعت السکين والشوكه من يدها وهي تقول بحماس 

_ يلا وريني هديتي.

ابتسم لها بحنان فهي تبدو كطفله صغيره تتحمس لرؤية هديتها بأعينها اللامعه بشغف وملامحها المنتظره بفضول وشفتيها التي تعلن عن ابتسامه صغيره هادئه..

رفع من جانبه صندوق كبير نسبيا ووضعه فوق الطربيذه بعد أن رفع العامل الأطباق.. نظر لها بهدوء وهو يقول 

_ افتحي يلا..

ابتسمت بحماس وهي ترفع غطاء الصندوق لتتسع عيناها پصدمه وهي تنظر لما بداخله

______ناهد خالد ______

أغلقت باب المرحاض خلفها بعد أن تأكدت أنه خالي من البشر.. وقفت أمام المرآه التي تعلو الحوض وهي تنظر لذاتها في المرآه تنظر لملامحها بشرود.. هي لا تركز في ما تراه في المرآه هي تركز في شئ آخر ذكري من الماضي..

فلاش

كانت تجلس في مكتبها بمستشفي من أكبر مستشفيات القاهره في الطب النفسي.. دلف لها الممرض وهو يقول 

_ دكتوره تالا.. دكتور وجيه عاوز حضرتك في مكتبه..

أومأت بهدوء وهي تقف تلتقط معطفها الطبي 

_ تمام..

اتجهت لمكتب وجيه السمنودي صاحب المستشفى ورئيس مجلس الإداره. والأهم أنه أشهر طبيب نفسي بالبلاد بل وعمل فتره في الدول العربيه المجاوره وذاع صيته هناك

_ مساء الخير يادكتور..

رد بهدوء 

_ مساء النور تعالي يا تالا..

جلست أمامه وهي تنتظر حديثه ولم يطيل حين قال 

_ تعرفي مصطفي الشعراوي

جعدت حاجبيها بتذكر وهي تقول 

_ مش ده صاحب شركة travel للسياحه..

أومأ بهدوء وقال 

_ بالضبط هو جالي من سنه كده عشان اعالج ابنه 

 يامن الشعرواي شاب صغير لسه دلوقتي عنده حوالي ٢٧ سنه عنده اكتئاب حاد.. دخل في حاله نفسيه صعبه بعد حاډثه حصلتله وهو عنده ٢٥ سنه من سنتين ونص تحديدا فقد فيها أخوه التوأم.. ولأنه كان هو الي سايق حمل نفسه المسؤليه كامله بالأضافه أن أخوه ده كان أقرب حد له وأغلي حد عنده.. فالموضوع كان أصعب من أنه يتحمله.. فضل سنه حابس نفسه ورافض اي تواصل مع العالم الخارجي ولا حتي مع والده ووالدته وبعدها خرج لشغله وحياته بس زي الآله ودايما عصبي و حاله متغير تماما.. وفي الأهم من كل ده..

نظرت له بفضول وقالت 

_ هو ايه

 باك..

انتفضت من ذكرياتها علي صوت هاتفها.. أخرجته فوجدتها لينا..

ردت بهدوء 

_ايوه يالينا.

اتاها صوتها القلق 

_ أنت فين يا تالا

تنهدت بهدوء وقالت 

_ أنا جايه اهو..

أغلقت معها وهي تعيد نظرها للمرآه وهتفت بمراره 

_ يارتني ما قبلت حالتك ولا قبلت أعالجك.. يارتني رفضت و قتها.

________ ناهد خالد ______

_ يامن.

هتف بها مصطفي والده حين دلف للفيلا..

توقف يتنهد بعمق ليهدأ قليلا ثم التف له وقال 

_ نعم يا بابا

وقف مصطفي أمامه وقال 

_ ايه الي حصل في الخطوبه ده

رد بملل 

_ حضرتك شوفت لينا مرات أحمد وقعت وروحنا بيها علي المستشفي..

قامت والدته وتدعي نسمه وهي تسأله بهدوء 

_ هي كويسه يا حبيبي

نظر لها وهو يجيبها بهدوء 

_ آه الحمد لله كويسه طلعت حامل..

ابتسمت والدته بسعاده وقالت 

_ بجد! الحمد لله ان ربنا كرمهم ييجي بالسلامه إن شاء الله..

غمغم بهدوء 

_ إن شاء الله.

تسائل مصطفي بهدوء

_ وهتعمل ايه في الخطوبه

ذم شفتيه بضيق قبل أن يتنهد بعمق استعدادا لما سيقوله 

_ بابا بصراحه أنا حاسس إني اتسرعت وهظلم رودينا معايا أنا عارف أنها بتحبني عشان كده شوفتها أنسب واحده ليا قلت بحبها ليا هتخليني أحبها وتنسيني ت.. الي قبلها بس اكتشفت إني غلطان أنا للأسف معنديش استعداد اديها فرصه حتي تقرب مني.

تغيرت ملامح وجه أبيه پغضب وهو يهدر به

_ أنت بتقول ايه! أنت جاي تكتشف ده بعد ما تقدمت لها وحددتوا الخطوبه وكل حاجه اتفقتوا عليها! هتروح تقول لأبوها ايه معلش ياعمي مش عاوز بنتك! هتقوله أنا عيل ورجعت في كلامي!

نظر لوالده ثواني دون أن ينطق بحرف وكأنه يخترقه بنظراته قبل أن يقول بسخريه مبطنه 

_ وياتري هيفضل ده كلامك لو قولتلك أن تالا رجعت..

____________ناهد خالد ________

اتسعت ابتسامتها أكثر وأكثر وهي تجلب تلك الدميه من الصندوق دميه جميله ترتدي فستان وردي اللون وذو شعر أسود علي هيئة ضفائر ابتسمت بسعاده وهي تهتف 

_ الله أنا بحب العرايس اوي..

ابتسم بحب وهو يقول 

_ عارف عشان كده جبتهالك عموما البوكس الصندوق ده في كل الي بتحبيه.

نظرت له بحماس وهي تمد يدها في الصندوق مره أخري فوجدت صندوق صغير بداخله فتحته لتجده مليئ بجميع أنواع الشيكولاته التي تحبها وضعته جانبا بأعين لامعه لتتفحص باقي محتويات الصندوق والتي كانت عباره عن زجاجه عطر من ماركتها المفضله و سلسال من الذهب الأبيض الذي تفضله رقيق تتدلي منه فراشه صغيره وخاتم مماثل للسلسال والبوم جميل من الخشب جمع به جميع صورها التي كانت معه..

انتهت من محتويات الصندوق لتنظر له بأعين دامعه بامتنان شديد وهي تقول 

_ كل ده عشاني!

ابتسم بصدق وهو يقول بأعين تجمعت بها مشاعره 

_ كل ده ميجيش ربع الي تستاهليه لو كنا متجوزين اعتقد الوضع كان هيبقي مختلف..

قطبت حاجبيها باستفهام فأكمل 

_ في حاجات لو جبتهالك دلوقتي مش هتقبلي تاخديها لكن وأنت مراتي هتقبلي.. زي سفريه حلوه ل إيطاليا أو باريس أو حتي المالديف.. زي فيلا أحلي تكون بأسمك وتشطبيها علي ذوقك.. حاجات كتير.. بس بصراحه أنا متقيد وأنا بجبلك الهدايا دي.. فحاولت اجمع الحاجات الي بتحبيها.

سالت دموعها وهي تقول 

_ للدرجادي بتحبني!

رفع حاجبيه باستنكار وهو يقول 

_ رغم سؤالك الغريب والمفروض أنك عارفه حبي ليك بس هقولك الخلاصه.. الحب الي يستمر ٤ سنين والطرف التاني غايب ومش موجود وكان الأمل منعدم أنه يرجع في يوم ومع ذلك الحب مقلش ولا لحظه يبقي حب حقيقي وقوي وميتقاسش بدرجات .. أنا حبيتك يا ملك وأنت مش قدام عيني حبيتك وأنت غايبه وراعيتك في غيابك وعيني مبصتش لغيرك ولا قلبي مال لغيرك..

كانت دموعها تتساقط وهي تستمع له وتري الصدق في عيناه.. وصړخ قلبها بها أن تكف عن تعذيبه أكثر من هذا فلا داعي لفقدان العديد من السنوات يكفي ما فقدوه..

امتد كف يده ليتمسك بكفها وهو يقول 

_ ممكن تبطلي عياط..

همست له وهي تمسح دموعها 

_ غيث..

همهم بنبره دافئه 

_