لذة البدايات الجزء الاول

وقالت بصوت مخټنق
غزل خلاص اهدى بطلى عياط يا عهد
ابتعدت عنها وازالة عبراتها بظهر يدها وقالت
عهد يعنى خلاص سامحتينى
نظرت إلى منصف ثم نظرت إلى فادى بضيق ثم نظرت إلى عهد وابتسمت لها بحزن واومأت راسها بالتأكيد
احتضنتها بسعاده وقالت
عهد بمۏت فيكى يا اجمل اخت فى الدنيا تعالى بقى عايزه احكيلك على حاجات كتير اوى حصلت

ثم نظرت لهم وقالت
يلا تصبحوا على خير
جحظت عيناه پصدمه وقال
منصف هو ايه اللى تصبحوا على خير انتى ناويه تنامى معاها فى الاوضه
اومأت رأسها بالتأكيد وقالت
عهد ايوه طبعا اومال هنام معاك انت
ومسكت يدها وتحركوا بأتجاه الغرفه ودلفوا إلى الداخل
نظر إلى فادى بضيق وقال
منصف امشى يا اخويا برضه مش هترحم من الوش العكر ده
ابتسم على كلماته ودلفوا إلى الغرفه. 
....................................................... 
تسطحت على السرير بأبتسامه ووضعت يدها اسفل رأسها ونظرت إلى الاعلى وقالت بصوت هادئ
عهد تعرفى ان منصف طلع غير ما احنا متخيلين خالص
تسطحت بجوارها ووضعت رأسها على صدرها وقالت بتساؤل
غزل ازاى يعنى احكى واشجينى
ابتسمت ابتسامه هادئه وقالت
عهد يعنى طلع راجل اوى وطيب وحنين و و ورومانسي اوى كمان
رفعت احدى حاجبيها إلى الاعلى بأستغراب وقالت
غزل رومانسي!! اممم انتوا حصل ما بينكم حاجه ولا ايه
تنحنحت بأحراج وقالت بخجل
عهد ي ي يعنى محصلش حاجه اوى يعنى هو كان عايز بس انا اللى رفض
جلست سريعا وقالت بعدم تصديق
غزل عايز وانتى رفضى!! طيب ليه.
اعتدلت واسندت رأسها على يدها وقالت بتوتر
عهد فى لحظه كنت هضعف واسلمه نفسى بس افتكرت ان جوازنا ده مؤقت ومصلحه والحكايه كلها مسألة وقت وكل واحد فينا هيروح لحاله علشان كده فؤقت فى اللحظه الاخيره ورفض
حركت راسها بأستغراب وقالت بتساؤل
غزل وليه اصلا كل واحد هيروح لحاله ما زيه زى اى حد كنتى هتتجوزيه وتكملى معاه ايه حصل بقى
اجابتها بتوضيح وقالت
عهد لا طبعا منصف مش زى اى حد كنت هتجوزه انتى عارفه المشاكل اللى حصلت معاه قبل كده لا هو هيحبنى ولا انا هقدر انسي اللى عمله معايه ده غير طبعا ان انا وهو عارفين ان الجوازه دى تمت علشان نساعد فادى يتجوزك يعنى مؤقته لحد ما يقنع عمى بموضوع جوازكم وبعد كده هنطلق وده كان اتفقنا انا وهو واللى هو كان عايز يعمله ده مجرد نزوه واحده معاه فى اوضه واحده واسمى مراته اكيد هيضعف بس لما ياخد اللى هو عايزه هيندم وانا كمان علشان كده رفض ان يحصل
اومأت رأسها بتفهم وقالت
غزل فهمتك بس ياريت تدى نفسك فرصه يمكن تحبيه واللى حصل ما بينكم قبل كده انتوا الاتنين كنتوا غلطانين فيه الصراحه كنتوا بتعاندوا بعض ويكفى ان هو ابن عمك وهيخاف عليكى اكتر من الاول
نهضت من على السرير وقالت بتوتر
عهد انا هدخل اخد شاور واطلع انام الطريق كان طويل اوى النهارده ياريت يا زوزو تعمليلى لقمه سريعه احسن ھموت من الجوع والله
اومات راسها بالموافقه وقالت
غزل انا عامله اكل هدخل اسخنلك على ما تخلصى
قبلت وجينتها بسعاده واتجهت إلى المرحاض
خرجت غزل واتجهت إلى المرحاض وبدأت تحضر الطعام لعهد وفى ذلك الوقت سمعت صوت خطوات تقترب منها تعالت دقات قلبها بسعاده لانها تعلم جيدا لمن هذه الخطوات اغلقت عينيها واخذت نفس عميق والټفت له وقالت بصوت متضايق
نعم جاى ليه
اقترب منها ونظر بعينيها وقال بصوت هامس
فادى واحشتينى
ارتبكت عندما سمعت هذه الكلمه اعطته ظهرها مره اخرى وعقدة ذراعيها على صدرها وقالت بتلعثم
غزل والله وده من ايه ان شاءالله
زفر بضيق وتحرك وقف امامها وامسك يدها وقال بصوت مخټنق
فادى غزل انا اسف انا عارف ان ليكى حق تزعلى منى بس زى ما منصف وعهد قالوا ليكى الظروف كانت اقوى مننا
ابعدت يدها پغضب وقالت
غزل الظروف اقوى منكم ص يعنى افرض لو مكانتش غزل طلعت هى بنت عمك والعروسه ومكانش منصف اتجوزها كان زمان الوضع ايه
نظر لها وظل صامتا
اردفت حديثها پغضب قائله
انا هقولك كان زمانك منفذ اوامر عيلتك الكريمه ومتجوز ولا همك اى حد
ولا كنت هشوف

وشك تانى خلاص
حرك رأسه سريعا بالرفض وقال
فادى لا يا غزل انا مقدرش اكون مع واحده غيرك انا بحبك من اول ثانيه قابلتك فيها وكنت كل يوم اتشد ليكى اكتر من اليوم اللى قبله انا لما روحت الصعيد روحت علشان اقنع بابا يصرف نظر عن موضوع الجوازه دى وكنت ناوى اكلمه عليكى بس لما عرفنا ان العروسه عهد قولت فرصه اجمع منصف مع عهد ومنه يبقى عندى وقت كبير اقنع فيه بابا ان اتجوزك
عندما سمعت اعترافه بحبها شعرت قلبها يتراقص من السعاده حاولة ان تهدأ قليلا وقالت بتوتر
غزل صدقتك انا كده انت عايز تقنعنى انك كنت ناوى توقف قصاد عيلتك كلها علشان تخليهم يغيروا عادتهم وتقاليدهم اللى بقالها قرون عليها
اقترب اكثر لها وامسك يدها ونظر لها بحب وقال
فادى ايوه انا علشانك مستعد اغير قوانين الدنيا بحالها
تاهت داخل نظرات عينه لها ابتلعت ريقها بصعوبه تراجعت إلى الخلف ونظرات إلى الارض بخجل
ابتسم على خجلها اقترب إليها اكثر وحرك انامله على وجينتها وقال بصوت هامس
انا بحبك يا عهد وما صدقت لاقيتك ومش بسهوله كده هفرط فيكى
تعالت انفاسها من شدة التوتر اغلقت عينيها لا تستطيع التحدث
شعر انه سوف يفقد السيطره ويفعل شئ يندم عليه اقترب بشفتيه ووضع قبله على جبينها ثم تراجع إلى الخلف ظل يتابعها بأبتسامه حب وهى مغلقة عينيها
تسارعت انفاسها عندما شعرت بقربه لها حاولة ابعاده لكنها ظلت ثابته على وضعها شعرت بشفتيه على جبينها وانفاسه القريبه منها انتفضت مكانها ثم اغلقت عينيها اكثر
تعالت ضحكاته عليها وقال
فادى انتى ناويه نامى وانتى واقفه ولا ايه
فتحت عينيها سريعا ونظرت له وجدته ابتعد عنها احمرت وجينتها بخجل واستدارت سريعا
تنهد بحب وقال بنبره هادئه
مش عايزه تخافى ولا تقلقى يا غزل انا عمرى ما هبعد عنك ولا اسيبك وهعمل ما فى وسعى علشان نكون مع بعض واعمل اللى انا عايزه بالحلال الحكايه كلها محتاجه بس مسألة وقت لحد ما اقنع بابا
اومأت رأسها بالموافقه وقالت بتوتر
غزل ا ا ان شاءالله ممكن بقى تسيبنى اسخن الاكل لعهد زمانها دلوقتى بتدعى عليا علشان اتأخرت عليها
تكلم سريعا وقال
فادى طيب مافيش حاجه للمفجوع اللى عندى احسن هو كمان جعان وانا الصراحه مش قادر اوقف اعمل اكل
الټفت له واومأت رأسها بالتأكيد وقالت
غزل فيه طبعا ليك وليه انا كنت عامله كتير علشان يكفى كذا يوم هسخن ليكم كلكم اقعد لحد ما اخلص
ابتسم لها بحب وجلس على المقعد وظل يتابعها بنظرات هائمه
ارتبكت من نظراته لها وبدأت تجهز الطعام. 
...................................................... 
انتهت عهد من الاستحمام وبدأت تبحث عن البرنس لكنها لم تجده زفرت بضيق وقالت
اه يا غزل الكلب مش هتبطلى العاده السوده اللى فيكى دى تقلعيه بره الحمام وترميه على الكرسي فى الاوضه اجيبه ازاى انا دلوقتى
وقفت خلف الباب اخرجت يدها من الداخل وهتفت عليها قائله
غزل انتى يا زفته هاتى البرنس
شعرت به بيدها ارجعتها مره اخرى ونظرت بأستغراب وقالت
البشكير!!
ثم هتفت مره اخرى وقالت بضيق
يا بنتى بقولك هاتى البرنس مش البشكير
لكنها لم تجيب عليها