أحببت زين الصعيد
حمزه بصدم#مه: كيف يعني ياخوي انا مبحبهاش
زين: هتحبها بعدين يا حمزه
حمزه بزعيق: علي جثتي لو اتجوزتها سامع
زين قرب منه وضرب’ه بالقلم: بتعلي صوتك عليا وبتقف قدامي ايه رايك بقا هتتجوزها غصب عنك
حمزه بصله مشي بغضب من قدامه
سميحه: تعالي يا زين جوه وقامت وهو راح وراها
سميحه بلوم: بتض’رب اخوك قدامنا منظره ايه بقا لما يرجع هو مش عيل صغير يا ولدي هو غلط لما علي صوته بس مكنش يصح
سميحه قاطعته: عارفه ياولدي ولما ييجي هخليه بتأسفلك بس انت كمان راضيه
زين انتهد: حاضر ياما هطلع اشوف العيال
طلع وفرح طلعت وراه لقته قاعد علي الكنبه وحاطط ايده علي دماغه نيمت الولاد وراحته حضنته
زين: عارف بس هو غلطان والبت كويسه وحلوه
فرح بغيره وبعدت عنه: وحضرتك شوفتها فين بقا ان شااء الله
زين ضحك بغلب وشدها تاني: تعالي بس والله ما يملي عيني غيرك يا ام العيال
فرح ضحكت: امم بحسب يلا قوم بس خد دش وتعالي
زين: ماشي طلعي هدوم يلا
تحت سميحه قاعده مستنيه حمزه لقته داخل
سميحه: حمزه تعالي
سميحه: ينفع اللي حصل ده
حمزه: ياما انا مش عيل صغير تجوزوني غصب عني
سميحه: انت شوفتها والله غلبانه وهتحبها قوي قوي والله اخوك مبيخترش غير الحاجات الحلوه اسمع مني
حمزه بتنهيده: ماشي ياما
سميحه بحنان: قوم بقا راضي اخوك مكنش ينفع تقف قصاده اكده ده هو اللي مربيك
حمزه: ماشي ياما طالعله
و طلع خبط عليه زين فتحله وبص بعيد
زين: انت ابني يا حمزه انت ومالك عيالي
و كمل وانا كمان اسف اني مديت ايدي عليك
حمزه بابتسامه: ولا يهمك ياخوي انت ابويا هنزل انام بقا
زين بابتسامه: ماشي
حمزه نزل وزين قفل الباب…
عدي أسبوعين وجه فرح حمزه
عند فرح وزين
فرح باسته من خده: صباح الخير يا زينو
زين بنوم: هنام واقوم اصبح عليكي يا قلب زين
فرح: طيب هاخد يزن وانزل تحت وانتي اصحي براحتك وهات ياسين علشان انت عارف زمان ريم طالعه
زين: لا متنزليش
فرح: ستك هتضربني تحت علي فكره والناس هتبدأ تيجي انت ناسي النهارده الحنه
زين ضحك: طيب انزلي يا روحي وانا هلبس واجي
فرح خدت يزن ونزلت تحت لقت ريم مشغله اغاني
ريم: بقولك يا مرت اخوي هنعمل ايه في الحنه اكده
فرح: هنهيص شويه متقلقيش
جدة زين من وراهم بزعيق: واقفين تتحدتو روحو علي شغلكم
زين نزل وفطرو واشتغل الرقص بره عند الرجاله
باليل زين بيلبس وفرح لبست زين قرب منها
زين: لو رقصتي هتنامي النهارده مع ريم تحت وغير عقابك برضو
فرح حاوطت رقبته: تقدر تنام بعيد عني يا زين
زين: المرادي هقدر يا قلب زين واديني قولتلك اهوه علشان مترجعيش تزعلي انا كلامي جد
فرح: ماشي يلا ننزلو بس خد يزن يلا
نزلو زين طلع بره وفرح دخلت للحريم
البنات قعدت ترقص وفي واحده شدت فرح ترقص وفرح رقصت
بره عند الرجاله زين كان بيرقص مع اخوته وكانو فرحانين
اليوم خلص وكله كان فرحان وزين طلع فوق وفرح طلعت بعده
زين: تاخدي نفسك مع غير كلام وتنزلي ل ريم تحت تنامي معاها
فرح بتوتر: ليه يا حبيبي
زين: انتي سمعتي انا قولت ايه
فرح:والله هما اللي شدوني و
قاطعها زين: ششش انزلي
فرح نزلت وخبطت علي ريم
فرح: احم عاوزه انام هنا معلش
ريم بضحك: فيه ايه انطردتو ولا ايه انتي وعيالك
فرح: من غير استظراف بجد طردنا علشان رقصت
ريم: طيب تعالي هاتي يزن ونامي
فرح فضلت تتقلب مش جايلها نوم قامت طلعت فوق لقته واقف في البلكونه وبيشرب سجاير
زين من غير ما يبصلها: عاوزه ايه
فرح: عايزه انام
زين: هو حد حاشك ما تنامي
فرح: في حضنك زي كل يوم
زين: لا انزلي علشان مش هتنامي هنا
فرح: يا زين والله هما شدوني
زين ببرود: والله لو قولتي اعذار من هنا ل بكره مش هتنامي هنا برضو
فرح بصتله وسابته ونزلت
الصبح زين قام وراح خبط علي اوضة ريم ودخل لقي ريم صاحيه وقاعده ب ياسين وفرح نايمه هي ويزن
زين راح عند فرح وبيصحيها
زين: فرح قومي الوقت اتاخر
فرح قامت بصتله وخدت عيالها وطلعت فوق
ريم بصتله وضحكت: بصراحه معاها حق مكنش يصح تنزل تنام هنا هي وعيالها وبعدين كنا ليلة فرح مكنتش تنكد عليها كده
زين بغضب: وهي مكنتش ترقص علشان محظرها مبتسمعش الكلام عنيده وطلع متعصب
فوق فرح حطت العيال علي السرير ودخلت الحمام لبست ونزلت
المزمار اشتغل والرجاله بترقص بره وكذلك الحريم برضو
المغرب كله طلع يلبس
زين: كويتي الهدوم
فرح حطت الهدوم قدامه
زين شدها عليه: بكلمك تردي
فرح: الهدوم اهيه انا داخله البس وسابته ومشت
زين خلص واستناها علشان ينزلو سوا بصلها: امسحي اللي في وشك علشان ننزل
فرح بنعد: كله حاطط
زين مسك منديل: واحنا مش زي حد ايوا كده احلي يلا
بصتله بغيظ ونزلو
الفرح اشتغل والبلد كلها كانت فرحانه
زين بيرقص وبيبص بعيد لقي..
زين نزل جري
زين بيرقص وبيبص بعيد لقي واحد واقف وموجه مسد’س ناحية فرح
زين نزل جري وامر رجالته يمسكوه ومحدش خد باله من حاجه
الفرح خلص وزين خد حمزه واتكلمو
زين: يلا يا حمزه خد مرتك واطلع
حمزه: حاضر وشالها وطلع فوق حطها علي السرير
عند زين
فرح واقفه قدام المرايا زين حضنها من ضهرها
فرح بصتله في المرايا وفكت ايده وراحت علي السرير
زين برفعة حاجب: والله هنفضلو زعلانين كده كتير يعني
فرح اداته ضهرها ومردتش عليه وهو نفخ
عند حمزه كشف وشها لقاها حلوه
حمزه: احم قومي غيري وتعالي
رضوي: حاضر
قامت غيرت لبست قميص ووقفت تفرك في ايديها
حمزه قرب منها وشالها ونسكت علشان عيب
شويه واشتغل ضر’ب الن’ار
عند زين
فرح اول ما سمعت ضرب النار نطت حضنته
زين: والله مش كنا متخاصمين
فرح: هما بيضربو نار ليه يخربيتهم
زين ضحك وضمها ليه وغمزلها: تعالي اقولك بيضربو ليه
فرح زقته: ابعد يا قلي’ل الاد’ب انا فهماك
زين ضحك جامد: وطلاما فهماني بتسأالي ليه يا سوسه انتي😂😂😂
فرح ضحكت وشالت يزن علشان عيط وفضلت قاعده بيه لوقت لحد الفجر وبعدين نامت
الصبح قامو علي خبط جامد علي الباب
زين فتح لقي عمته: انتي بتخبطي كده ليه مش في بني ادمين نايمين يا عمتي
عمته: مرتك فين ستك قاعده تحت وشها مقلوب
زين باستغراب: ليه
عمته: علشان مرتك المفروض تعمل الفطور وتطلعه للعرسان قومها يلا بسرعه
زين حاول يتحكم في غضبه: تمام عشر دقايق وتكون تحت وقفل وراح عندها
فرح: خلاص يا زين هنزل واطلع مش هتاخر
زين: معلش يا حياتي
فرح ابتسمت وقامت نزلت لقت جدته قاعده: لسه فاكره تقومي الساعه بقت 7 وجنابك نايمه
فرح من تحت درسها: انا سهرانه ب ابني طول الليل ولسه نايمه من شويه هروح هحضر الفطار واطلعه وسابتها ومشت
جدة زين: والله لازم اخليه يطلقك ويرميكي يا بومه
