جوزي بيحطلي المنوم في كوباية الشاي
جوزي بيحطلي المنوم في كوباية الشايكوباية الشاي ومنوم كدة انا بدأت افهم.. تقريبا كدة كل حاجة بقت مفهومة وواضحة.
هو بيصمم يعمل الشاي كل مرة عشان يحطلي المنوم فيه بس ايه السبب اللي يخليه يعمل كدة، يعني لو علاقت@نا وحشة مع بعض كنت هقول بيعمل كدة عشان ينام معايا غص@ب عني لكن احنا الحمدلله علاق@تنا طبيعية جدا ومنسجمين اوي مع بعض. يبقى اكيد بيخو@ني وبيستنى لما انام عشان ينزل يقابل واحدة تانية بس لا استحالة دة بيخاف من ربنا جدا وبيصلي الوقت بوقته ولا يمكن يعمل كدة.
يأست ومش قادرة الاقي اي تفسير للي بيحصل وماكنش قدامي حاجة اعملها غير اني استنى لما يجيب الشاي من المطبخ واعمل نفسي نايمة واعرف هيحصل ايه ساعتها.
لبست ودخلت السرير عادي جدا زي كل يوم واول ماجاب كوباية الشاي عملت نفسي بشرب لكن دلقت نصها بسرعة على السجادة من غير ماياخد باله لان السجادة عندي نوعها تخين فهتشرب اي سوايل تقع عليها ومش هيبان اي اثر للشاي، استنيت بعد كدة دقتين تلاتة وعملت نفسي نايمة.
فضلت مستنية كتير تقريبا كدة ساعة ومفيش اي حاجة حصلت وكنت خلاص قربت ايأس واقوم من
السرير لكن حسيت بيه بدأ يقرب مني، خوفت اوي وابتدى قلبي يدق بسرعة من كتر الخوف مش متخيلة ابدا هيعمل فية ايه.
قرب مني اكتر وبدء يقول كلام مش مفهوم بعدها غيبت عن الوعي وماحستش غير تاني يوم الصبح ومعرفتش ايه اللي حصل. تاني يوم اتكرر نفس الوضع بالظبط بس الفرق ان انا الصبح
زوغت من الشغل وروحت اشتريت كاميرا مراقبة وركبتها في النجفة بتاعت اوضة النوم ورجعت الشغل تاني من غير مايحس. وطبعا اول ما بدأ يقول الطلا@سم روحت في النوم وماحستش بنفسي غير الصبح زي الليلة اللي فاتت.
استنيت اول مانزل الشغل واتأكدت انه فعلا مشى بالعربية وجريت بسرعة افتح الفيديو واكتشفت ساعتها انه بيعمل نوع من انواع التنويم المغناطيسي عشان يعرف روحت فين وقابلت مين وإذا كنت بعرف حد من وراه ولا لأ وفهمت انه بيستخدم الطلا@سم دي عشان لازم في التنويم المغناطيسي يكون مسيطر على تفكيري واكون في قمة تركيزي معاه ودة طبعا صعب وانا واخدة منوم لكن الطلا@سم دي بتعمل نوع خفي من الاتصال بينا يقدر يستقبل مني معلومات ويرسلي اوامر وانا نايمة. ودة اللي حصل فعلا بعد ماعرف مني التفاصيل اللي عاوز يعرفها بدأ يؤمرني:
"هتفضلي تحبيني طول عمرك ومش هتحبي حد غيري حتى اهلك هتكريهم لانهم بيكره@وكي زي مابيكرهو@ني وكانوا رافضين جوازي منك، زمايلك في الشغل هتعامليهم وحش، كلامي كله هتسمعيه واوامري تنفذيها من غير ماتفكري ولا تتناقشي"
الصد@مة لجمتني لدرجة فضلت اكتر من ساعة قاعدة في مكاني مش بتحرك، طبعا المفروض في الحالة دي اخد الفيديو واطلع على قسم البوليس اعمله محضر واروح على بيت اهلي واطلب الطلا@ق...
بس مقدرش اعمل كدة عشان بحبه ومش بحب غيره حتى اهلي بيكرهو@ني زي مابيكر@هوه وكانوا رافضين جوازي منه، ماينفعش ماسمعش كلامه لازم انفذ كل اوامره حتى من غير مافكر.
**ملحوظة...انا ادركت انه فعلا بينومني مغناطيسي وعشان كده فكرت اتصرف لكن انا واقعه تحت تنويمه ده اللي مخليني مقتنعه على غير الحقيقة اني بحبه ومقدرش استغنى عنه وهذا مايسمى..... الحب بالاكراه
