صراحة حمايا معايا

يومها حضرت روح القت@يلة، وسألتها عن كل حاجة حصلت يوم الحادثة بالتفصيل..

واللي حكته القت@يلة بصوتها وصورتها واللي كلنا سمعناه كان مفاجأة لينا كلنا، مفاجأة وكارثة في نفس الوقت..

القت@يلة ظهرت قدامنا على الشاشة، المشهد كان مهيب جدا، كلنا قاعدين متسمرين قدام الشاشة ابو القت@يلة وامها واخواتها وانا، ونهال بتحضر طقوس الاستدعاء بتاعتها، الاوضة كلها ضلمة ومفيش مصدر إضاءة غير شمعة واحدة في نص الأوضة بالظبط، وفجأة البنت ظهرت على الشاشة، لابسة نفس الهدوم اللي كانت لابساها يوم ما اتخ@طفت..

كان مشهد صعب جدا على أم وأب بنتهم اتقتلت من عشر سنين، مش سهل عليهم يشوفوها بعد المدة دي كلها..

البنت بدأت تتكلم مع نهال، لحد ما نهال سألتها على تفاصيل الحادثة، سألتها مين اللي قتلها..

البنت قالت إن القاتل موجود في وسطنا في نفس الأوضة..

نهال طلبت منها تقول اسمه..

البنت قالت اسمه وليد..

غريبة أن مفيش حد في الأوضة اسمه وليد..

نهال سألتها وليد مين، البنت شاورت عليا وفضلت تقول هو دااا، هو داااا اللي خطفني واغتص@بني وبعدين قت@لني..

نهال قالتلها بس دا عمرو مش وليد، البنت قالتلها هو كان مفهمني أن اسمه وليد، كان بيقول انه بيحبني وهيتجوزني..

البنت بدأت تحكي تفاصيل كتير، الغريبة اني كنت بتخيل كل حاجة بتحكيها، كل التفاصيل كانت بتترسم قدام عيني، كل دا حصل فعلا، انا فعلا عملت كل دا، انا ضحكت على البنت دي، وخط@فتها واغتص@بتها وقتل@تها، بس والله العظيم ما كنت فاكر اي حاجه، في الفترة اللي عملت فيها كدا انا كنت مريض بانفصام الشخصية، كنت عايش بشخصيتين، وليد وعمرو، كل اللي كنت بعمله بالليل كنت بصحى الصبح مش فاكر منه أي حاجة..